Германија во среда ќе го намали данокот на гориво

Во Германија во среда почнува тримесечната фаза на намалување на даноците на горивото, што треба да ги растовари граѓаните по драстичниот пораст на цените на енергенсите во последните месеци.

Литар бензин треба да поевтини за 35,2 центи, а дизелот за 16,7 центи. Литар супер денеска во просек изнесува 2,13 евра, а дизелот 2,02 евра.

„Не сакаме да ги оставиме на цедило граѓаните кои се зависни од автомобили“, напиша германскиот министер за финансии Кристијан Линднер на Твитер.

Тој најави дека ќе побара од Канцеларијата за сузбивање на картелите внимателно да ги следи цените на бензинските пумпи за да утврди дали компаниите продаваат по намалени цени.

И најголемиот германски автомобилски клуб АДАК (ADAC) најави дека „интензивно ќе го следи“ движењето на цените на горивото.

Но, аналитичарите предупредуваат дека властите немаат инструменти да ги принудат нафтените компании да ги намалат цените на бензинските пумпи.

Намалувањето на данокот на горивото е една од мерките за финансиска помош на граѓаните, а други мерки се еднократна исплата на бонус од 300 евра за сите вработени и трговци поединци и воведување месечен билет за јавен превоз по субвенционирана цена од девет евра.

извор: sitel.com.mk

Актуелно

Ако сакате квалитетен сон: Не надминувајте го најдобриот период за последното кафе во денот
Времето во кое го пиеме последното кафе во денот може значително да влијае на квалитетот на нашиот сон.
Жителите на познат туристички град ќе протестираат поради зголемен наплив на туристи
После неодамнешните протести на Канарските острови и растот на антитуристичкото расположение во Шпанија, жителите на Малага исто така планираат протести поради зголемениот наплив на туристи.
Скапо, но трошиме до последен денар: Македонците и Србите ги „окупираа“ Солун и околните места
Во Грција велат дека Македонците и Србите се најдобри туристи – немаа многу пари, а трошат до последен денар. Продолжениот викенд и пролетниот распуст ги наполнија Солун и околните места. Во вториот град по големина деновиве често ќе слушнете како се зборува македонски и српски јазик.
Тешко се наоѓа жена за чистење по дома – резервирани се во следните 3 месеци
Во последно време, жителите на Скопје се соочуваат со значителни предизвици кога станува збор за одржување на хигиената во нивните домови.
И на Македонците во Германија не им е лесно – скоро една плата им оди за плаќање кирија и сметки
Македонската дијаспора во Германија се соочува со значителни финансиски предизвици поради високите цени за изнајмување станови за живеење, особено во големите урбани центри.
Започнува периодот на матурските забави – колку чини прославата во ресторан?
Со приближувањето на крајот на учебната година, рестораните низ Скопје веќе започнаа да ги претставуваат своите атрактивни понуди за матурските прослави, означувајќи го почетокот на еден од највозбудливите периоди за средношколците.