Денес времето во Македонија ќе биде сончево и МНОГУ ТОПЛО со мала локална облачност и со слаб до умерен ветер претежно од северен правец. Во попладневните часови ќе има услови за изолирана појава на краткотраен пороен дожд, грмежи и засилен ветер. Температурите ќе се искачуваат во интервалот од 28 до 36 степени, вели Славчо Попоски во временската прогноза за Утрински брифинг.
Во Скопје и околината времето ќе биде сончево и МНОГУ ТОПЛО со мала локална облачност и со слаб до умерен ветер од северен правец. Попладне во делови од котлината ќе има услови за ретка појава на краткотраен пороен дожд и грмежи. Максималната температура ќе се искачи до околу 33 степени.
Потоа во следните денови времето и понатаму ќе се задржи претежно стабилно, суво и сончево со мала до умерена локална облачност. Сепак во попладневните часови не се исклучува можноста за изолирана појава на краткотраен пороен дожд, грмежи, засилен ветер, а ќе има услови и за ретка појава на град. Поголеми услови за нестабилност ќе има во сабота, како и во почетокот од следната недела.
Што се однесува до температурите, тие и тоа поради влијанието на МНОГУ ТОПЛАТА воздушна маса од Африка ќе бидат МНОГУ ВИСОКИ и ќе се искачуваат во интервалот од 29 до 36 степени, додека за време на викендот и тоа особено во недела во најтоплите предели истите се очекува да се искачат дури до околу 40 степени. УВ – ИНДЕКОСТ и понатаму ќе има ЕКСТРЕМНО ВИСОКА вредност и ќе изнесува коефициент некаде околу 10.
извор: slobodenpecat.mk
.jpg)
