Европратениците вчера гласаа за ефективна забрана за продажба на нови бензински и дизел автомобили во ЕУ од 2035 година, како дел од широкиот пакет мерки за борба против климатските промени.
Европратениците го поддржаа предлогот на Европската комисија до 2035 година да се воведе намалување на емисиите на CO2 од новите автомобили за 100 отсто, со што ќе се стави крај на продажбата на возила со фосилни горива, пишува Ројтерс.
Законот сè уште не е конечен, но со вчерашното гласање се потврдува ставот на парламентот пред претстојните преговори со земјите од ЕУ за финалниот закон.
