Се зголемува акцизата, од денеска цигарите во Србија поскапуваат за 10 динари по кутија

Во Србија цигарите од денеска поскапуваат за 10 динари по кутија.

Покачувањето на цените се должи на зголемувањето на акцизата, која се коригира на секои шест месеци, односно во јануари и јули, согласно акцизниот календар - јавува euronews.rs.

Акцизата ќе се зголеми од 79,75 на 81,25 динари, односно за еден и пол динар, а до крајот на 2025 година ќе се зголеми уште шест пати, според динамиката на корекција двапати годишно.

Целта на овие измени е усогласување со стандардите на Европската унија (ЕУ), според кои до 2025 година и во Србија државниот приход на 1000 цигари треба да се зголеми од 70 евра колку што е сега на најмалку 90 евра.