Штрајк поради платите и условите за работа на вработените во италијанската компанија за контрола на летање Енав предизвика големи нарушувања на аеродромите низ земјата.
Италијанската државна компанија ИТА Ервејс откажа повеќе од 200 летови, од кои повеќето домашни. Други авиокомпании, како што е нискобуџетната EasyJet, исто така откажаа некои летови.
Синдикатите за контрола на летање CGIL, CISL и UIL повикаа на прекин на работата, што се очекува најмногу да ги погоди аеродромите во Рим, Милано и Венеција.
Штрајкот беше неизбежен, велат од синдикатите.
„Им се извинуваме на сите патници на кои можеби им пречи штрајкот“, се вели во соопштението на УИЛ. Поради односот на Енав кон барањата на работниците неизбежен е штрајкот на работниците“.
Синдикатите бараат промени на работното време и распоредот од Енав, кој е делумно во државна сопственост. Синдикатите порачаа дека ќе продолжат со своите барања, доколку има потреба, со натамошни протести. Последниот штрајк во Енав беше на 17 јули. И тогаш, среде сезоната на летни одмори, беа откажани бројни летови, а патниците останаа на аеродромите.
