Експертите не се сигурни зошто повеќе луѓе умираат од срцев удар во текот на зимата, но веруваат дека неколку фактори играат улога.
Стресот од празниците, како и нарушувањата во рутините за јадење, спиење и вежбање, може да придонесат за зголемен ризик“. Исто така, можеби нема да го слушаме нашето тело или да внимаваме на предупредувачките знаци и да мислиме дека одењето на лекар може да почека“, велат експертите.
Исто така, студеното време може да придонесе за одреден ризик од срцев удар бидејќи предизвикува стеснување на крвните садови, велат лекарите.
Затоа, тие советуваат луѓето да продолжат да следат здрави навики, како и да продолжат да вежбаат и да ги земаат вообичаените лекови, како и да најдат начини за намалување на стресот.
А кога станува збор за срцев удар, знаците што никогаш не треба да ги игнорирате и треба да побарате итна медицинска помош вклучуваат болка или непријатност во градите, повраќање, гадење или зашеметеност, болки во вратот, вилицата или грбот, чувство на непријатност или болка во едната рака или рамо, како и отежнато дишење. Овие симптоми најчесто се јавуваат заедно.
Покрај тоа, знаците на срцев удар кај жените може да бидат посуптилни од оние кај мажите. Најчестиот симптом и за мажите и за жените е болка или непријатност во градите, но жените имаат поголема веројатност да искусат симптоми како што се гадење и замор.
.jpg)
