Патувањата се еден од најдобрите подароци што можеме да си ги подариме себе си, но и на другите. Дали некој од овие градови е на вашата листа за патување?
Венеција, Валенсија и Барселона ќе воведат нови туристички даноци во 2023 година, потег за кој некои туристички организации предупредуваат дека може да ѝ наштети на туристичката индустрија.
Воведувањето на туристичката такса е обид да се ограничи „прекумерниот туризам“, пренесува Евроактив.
Давачката на Европскиот систем за информации и овластување за патување (ETIAS), ќе важи за оние кои ќе ја посетат Шенген зоната од ноември оваа година.
Сите туристи кои не се од земји-членки на ЕУ ќе треба да платат 7 евра за безвизен влез - и тоа ќе треба да се обновува на секои три години.
Сè поголем број шпански региони наплаќаат и за секоја ноќ помината во хотелско сместување, додека Валенсија ќе воведе сосема нова туристичка такса на крајот на годината.
Би можело да ве интересира: Кога годинава се менува од зимско на летно сметање на времето?
Барселона, главниот град на Каталонија, веќе има во сила данок за посетители, но тој ќе се зголеми оваа година.
Претседателот на провинцискиот совет на Малага, Франциско Саладо се изјасни против данокот на ЕУ и рече дека туризмот е економскиот мотор на Малага и Андалузија и го критикуваше потенцијалниот данок.
Како што рече, тоа може да биде голем проблем за Шпанија.
Други градови низ Европа веќе имаат ноќен данок за посетители, како Прага, Берлин, Хамбург, Будимпешта и Амстердам.
Извор: kajgana.com
