Технологијата може многу да им помогне на луѓето во образованието и да им обезбеди многу информации, но и различни начини на учење, а според Бил Гејтс, ChatGPT би можел да ги научи децата да читаат и пишуваат. Ова не треба да се очекува во далечна иднина, но четботите со вештачка интелигенција би можеле да ја добијат оваа способност за околу една и пол година.
Гејтс зборуваше за ова на минатонеделната конференција во Сан Диего и нагласи дека вештачката интелигенција ќе биде еднаква на најдобрите наставници во однос на нејзините образовни можности. Денешните чет-ботови веќе покажуваат, како што рече Гејтс, „неверојатна вештина во разбирањето и пишувањето“, а јасно е дека со текот на времето ќе станат подобри во пренесувањето на знаењето.
Освен што ќе им помогне на децата во читањето и пишувањето, ќе им помогне и на учениците, кои благодарение на оваа технологија би можеле да ги подобрат и своите вештини за пишување и читање. Многу луѓе веќе користат чет-ботови кога составуваат есеи, е-пошта, апликации за работа и написи во весници.
Кевин Роус, колумнист на Њујорк Тајмс кој пишува за технологија, во една од своите колумни напиша дека веќе користи програми како ChatGPT кога пишува текстови. Исто така, некои експерти се импресионирани од способноста на чет-ботови прецизно да резимираат текстови, да даваат повратни информации за напишаните текстови, како и од нивните способности при пишување нови текстови.
„За околу 18 месеци, вештачката интелигенција ќе им стане асистент на наставниците и ќе им дава корисни повратни информации. И после тоа ќе ги подобрат своите математички способности“, објасни Гејтс.
Како што заклучи Гејтс на конференцијата, вештачката интелигенција наскоро ќе има голема улога во образованието, а за две години вештачката интелигенција би можела да стане приватен учител за многу деца, но и за постарите кои не можат да си дозволат таков облик на образование, смета Гејтс.
Извор: biznisinfo.mk
