Светската здравствена организација (СЗО) објави дека СОВИД-19 повеќе не претставува „глобална вонредна состојба“. Оваа изјава претставува голем чекор кон ставање крај на пандемијата и доаѓа три години откако СЗО првпат прогласи највисоко ниво на тревога за вирусот.
Меѓутоа, директорот на СЗО, д-р Tedros Adhanom Ghebreyesus, рече дека вистинската бројка е „веројатно“ поблиску до 20 милиони смртни случаи - речиси три пати повеќе од официјалната проценка - и предупреди дека вирусот останува значајна закана, објави Би-Би-Си.
„Вчера, Комитетот за итни случаи се состана по 15-ти пат и ми препорача да прогласам крај на вонредната состојба во јавното здравство од меѓународен интерес, рече тој. Тој додаде дека одлуката била внимателно разгледувана некое време и била донесена врз основа на внимателна анализа на податоците.
Тој предупреди дека укинувањето на највисокото ниво на тревога не значи дека опасноста е помината и додаде дека вонредната состојба може да биде вратена доколку ситуацијата се промени.
Светската здравствена организација првпат го прогласи коронавирусот за вонредна состојба за јавното здравје од меѓународно значење во јануари 2020 година. Потегот сигнализираше потреба од координирана глобална акција за заштита на луѓето од новиот вирус.
