Една шестина од занимањата во Германија немаат доволно работна сила, објави националната агенција за труд на најголемата европска економија.
Агенцијата објави дека нејзината годишна анализа покажала дека минатата година имало недостиг на работници во 200 од околу 1.200 занимања што ги истражувала.
Возачи на автобуси, угостители и металски работници сега се приклучија на листата од 148 професии со недостиг на работна сила во 2021 година.
На Германија и недостасуваат медицински сестри, старатели, возачи на камиони, архитекти, фармацевти, информатичари и работници во градежништвото и автомобилската индустрија.
Агенцијата за труд соопшти дека следи уште 157 занимања во кои може да има недостиг на работна сила и има диспаритет меѓу побарувачката и потенцијалните квалификувани работници.
Владата на канцеларот Олаф Шолц се обидува да привлече повеќе квалификувани работници надвор од Европската унија со олеснување на бирократските барања.
Експертите велат дека на земјата и се потребни околу 400.000 квалификувани мигранти секоја година.
Министерката за надворешни работи Аналена Бербок и министерот за труд Хубертус Хеил во недела треба да го посетат Бразил, каде имиграцијата на работна сила ќе биде високо на агендата.
Портпаролката на Министерството за труд рече дека Хејли смета дека е важно „да се однесува многу чувствително и да не се лиши земјата од работниците што и се потребни“ и дека има многу квалификувани медицински работници во Бразил.
Извор: denar.mk
