Градот Косак што се наоѓа на брегот на Западна Австралија, е понуден на продажба. Некогаш тука живееле и работеле многу луѓе, најмени во индустријата за бисери, но со текот на времето населението се отселило во поголемите градови.
Собирањето бисери почнало 1880-тите, а до 1895 година имало 57 бродови каде што работеле повеќе од илјада луѓе.
Но, овој град сега е речиси сосем напуштен, па има само двајца жители – Рис Остерлунд и неговата партнерка Шенон Ервин, кои водат кафуле. Градот е сопственост на Државата, која одлучи да го продаде. Се работи за површина од 22,2 хектари, со 12 заштитени знаменитости, а тука е и блискиот остров Јарман.
Владата сѐ уште јавно не ја објавува цената, но предност имаат оние кои сакаат да го купат градот заради развој на туризмот, со сместување, кампување, кафулиња, галерии итн. Целта е обнова на градот и долгорочно зачувување и управување со местото. Понудите се прифаќаат до 20 ноември.
