Нови атракции во „срцето на градот“ во Diamond Mall.
Од денес, сите љубители на купувањето и дружењето ќе имаат дополнителна причина за уживање, бидејќи започнува со работа „Гурманската авенија“. Ресторанот „Amigos” прв ќе ги дочека гурманите кои сакаат да уживаат во вкусни специјалитети во урбан амбиент со посебен шарм, додека отворањето на „M House” и „Sarajeva steak house” е најавено во следните денови.
Во текот на следните месеци ќе започнат со работа и „Su Roastery”, „SushiCo”, „Tribeca” и „The Table”, со што понудата во „Гурманската авенија“ ќе биде дополнително збогатена и разновидна.
„Гурманската Авенија“ (Gourmet Avenue), е една од трите целини на Diamond Mall покрај сегментот со 150 продавници и „Зоната на соништата“ (Dream Zone), која ќе биде наскоро отворена. Во „Гурманската Авенија“, освен можноста да ја откријат понудата на уникатни деликатеси од локалната и интернационалната кујна, посетителите ќе можат да учествуваат во различни случувања од областа на културата и уметноста.
Diamond Mall е дел од мултифункционалниот комплекс „Diamond of Skopje“, во чија изградба Групацијата „Лимак“ досега инвестираше над 350 милиони евра. Комплексот го сочинуваат и четири резиденцијални згради, деловни простории, луксузен хотел, како и подземна сообраќајница.
Трговскиот центар располага со голем број влезови кои овозможуваат лесна пристапност од било кој дел на централното градско подрачје, независно дали се доаѓа со возило, со јавен превоз или пешки. На располагање на посетителите на центарот се ставени и 2.900 паркинг места.
Доколку сакате да бидете дел од Diamond Mall, во продолжение ви оставивме ЛИНКОВИ до огласите за работа кои се активни во моментот на нашиот сајт:
Огласи за вработување во нов луксузен локал во центарот на Дајмонд Мол!
Останати ОГЛАСИ
