Ако сте се прашувале каде е најевтино скијањето во Европа, до неодамна би можеле да ви кажеме дека тоа е – Бугарија.
Но, оваа година дојде до промена. Бугарија повеќе не е најевтината скијачка дестинација – барем за британските туристи, откако Италија ѝ ја „украде” таа позиција.
Скијачкиот центар Бардонекија (Bardonecchia) се најде пред бугарските места Боровец и Банско, како најповолна дестинација за љубителите на зимските спортови, проценето е во годишната анализа на скијачките центри, во која се оценува односот квалитет и цена, а анализата ја спроведоа „Post Office Travel Money” и туристичката агенција „Crystal Ski Holidays”.
Според оваа анализа, една седмица на скијање во Бардонекија за двајца возрасни и две деца ќе ве чини околу 1.600 евра, што е за 11% помалку од истата понуда во Боровец.
Оваа цена вклучува сместување, ски-пас, ски-опрема, храна и пијалаци.
Бардонекија е мало село на италијанските Алпи, кое има 100 километри ски-патеки, од кои 60% се средно тешки, а 23% се тешки.
Селото има и парк за сноубординг, како и безбедно подрачје за деца. Бардонекија е позната и по тоа што била домаќин на некои од дисциплините на Зимските олимписки игри во Торино во 2006 година.
Целиот текст прочитајте го на denar.mk
