Од Кирибати преку Австралија до Лондон – светот ѝ посака добредојде на Новата 2024 година со големи прослави и огномети.
Луѓето на коралскиот остров Киритимати први ѝ посакаа добредојде на Новата година. Околу 7.300 жители на островот во 2024 година влегоа уште вчера во 11 часот по средноевропско време. Еден час подоцна доаѓањето на новата година го прослави Нов Зеланд, пишува „Дојче Веле“.
Вчера, во 14 часот по средноевропско време, мега светлосно шоу го осветли небото кај Операта во Сиднеј, Австралија.
Во Јапонија ѕвоната во храмовите ѕвонеа низ целата земја додека луѓето се собираа во светилиштата и храмовите за да ја пречекаат Новата година. Во храмот Цукиџи во Токио, на посетителите им се делеа бесплатно топло млеко и супа од пченка додека чекаа во ред за да заѕвонат на големото ѕвоно.
Американска Самоа ќе биде последната земја што ќе влезе во 2024 година.
Во Лондон со ѕвоното на Биг Бен и спектакуларен огномет кај панорамското тркало Лондон Ај беше дочекана Новата Година.
Севкупно, потребни се 26 часа за целата земјина топка да влезе во новата година.
