Електричните возила заземаат се поголем удел на пазарот за автомобили и тој удел со време се повеќе расте, сè додека еднаш во целост не ги замени бензин и дизел возилата. Кога ќе се случи тоа тешко е да се каже, но на некои пазари, вклучувајќи го и европскиот, тоа можеме да го очекуваме кон средината на следната деценија, најмногу поради регулативите според кои возилата со мотори со внатрешно согорување повеќе нема да може да се продаваат.
Освен во електрификацијата на автомобилите, компаниите се повеќе вложуваат и во електрификација на авионите, но јасно е дека ќе мине многу време додека не почне да се зборува за потенцијална замена на класичните патнички авиони со електрични. Моментално се развиваат само мали авиони, со прилично ограничен досега.
Во една холандска компанија веруваат дека е можно да се направи електричен авион кој ќе има многу поголем досег и ќе може да многу повеќе патници во однос на некои досегашни уверувања според кои е-авионите се ограничени на досег од максимално 320 километри, со превоз на не повеќе од 20 патници.
Стартапот „Elysian“ своите идеи ги претстави на саемот „SciTech“ во 2024-та година на кој го најави авионот „E9X“, кој, според нивните истражувања и планови, би можел да пренесува дури 90 патници со досег од 800 километри. При дизајнот на тој авион „Elysian“ користи конфигурација на ниско крило, како и посебен начин на оптоварување на авион и голем распон на крила со склопливи врвови, со батерија со голема густина на енергија.
Исто така, батериите се сместени во посебни кутии во крилата, што овозможува „пониска структурна тежина на крилата“, а електричниот авион би требало да има вкупно осум пропелери. Тежината на самата батерија изнесува дури 35 тони, што е помалку од половина од вкупната тежина на авионот која би требало да изнесува 76 тони. Исто така, во задниот дел на трупот ќе се наоѓа и посебен турбогенератор кој би се користел само во некои итни случаи. Тој го продолжува времето на лет за 45 минути, но тој досег не е пресметан во вкупниот досег од 800 километри бидејќи станува збор само за решение во итни случаи кога електромоторите можеби нема да го издржат целиот лет.
За таквиот авион од идеја да стане реалност, според Даниел Росен Јакобсен потребни се од 8 до 10 милијарди долари, а компанијата досега собрала само 10 милиони. Јасно е дека пред компанијата е долг пат и тие веруваат дека „E9X“ ќе може да почне со пренос на патници веќе во 2033-та. Дотогаш има уште време, со оглед на тоа дека во електрификацијата се вложуваат многу пари, јасно е дека можеме да очекуваме голем напредок со електричните мотори и батериската технологија, но и покрај тоа, нивната најава од денешна перспективе изгледа прилично оптимистична.
