Ако го слушнете на интервју за работа, состанок или деловен настан – бегајте без разлика.
Интервјуто за работа, особено ако ви е прво или второ во животот, лесно може да се претвори во вистински кошмар.
И воопшто не помагаат сите околу вас, кои најдобронамерно почнуваат да ве бомбардираат со разни совети за тоа што можете, а што не можете да правите за време на интервјуто.
На интернет можете да најдете илјадници страници со „непогрешливи“ совети во врска со интервјуто за работа, но јасно е дека не можете се да спроведете во пракса бидејќи едноставно нема да имате доволно време.
Имено, како што постојат реченици кои брзо ќе ве исфрлат од конкуренцијата, така треба да се грижите и за фразите што ги користи вашиот иден шеф.
Џенифер Брик, кариерна советничка од Њујорк, неодамна се осврна на овој проблем и сподели совети за идните вработени на нејзиниот профил на TikTok. Таа издвои една токсична фраза што ја користат работодавците, а која е предупредувачки знак за вработените.
– Ако го слушнете на интервју за работа, состанок или деловен настан – бегајте без разлика. А тоа е фразата: Ние сме семејство – објаснува Џенифер.
Таа додава дека барањето лојалност во „семејна“ работна средина врши дополнителен притисок врз вработените да работат уште повеќе за да ги постигнат бараните резултати.
– Создава нездрава моќна динамика. Тоа создава средина погодна за експлоатација – вклучувајќи прекувремена работа, преземање премногу непотребни задачи и „burnout“на работа затоа што би направиле се за вашето семејство, нели? – рече таа и додаде дека оваа навидум невина фраза ги брише границите меѓу приватниот и деловниот живот.
– Не отпушташ и не го оставаш семејството. Не компромитирате некој од вашето семејство. Не му плаќате на семејството – заклучила Џенифер.
