Дознајте што ве очекува на поле на љубовта, работата и здравјето во февруари 2019 година.
Овен
Работа: Првата недела од февруари ќе ви започне бурно и нема да знаете што ве снашло. Многуте обврски на приватен и професионален план нема да ви дадат многу време за одмор, па нема да можете да најдете време ни за саканата личност. Дури на почетокот на втората недела ќе можете подобро да се организирате. Овој период е идеален за инвестиции, така што вложете пари во нешто што долго време го планирате.
Љубов: Втората половина од месецот е резервирана за вашите пријатели и семејство. Мора да сфатите дека животот брзо поминува и дека еден ден ќе ви биде криво што не сте одвојувале повеќе време за најблиските.
Здравје: Здравствената ситуација нема да ви даде мир кон крајот на овој месец. Иако мислевте дека сте решиле еден здравствен проблем, тој повторно ќе се врати, така што подгответе се за упорна борба со лекови. Мора да го зајакнете вашиот имунитет и да го решите овој проблем еднаш засекогаш.
Бик
Работа: Ќе бидете напнати на почеток од месецот, затоа што некои проекти веќе ви доцнат, ве очекуваат и нови, а тоа чекање може да потрае и неколку недели. Не можете сè да постигнете сами, но другите не ви помагаат, бидејќи мислат дека нема потреба некој да ви се меша во работните задачи. Треба да знаете дека ве очекува напорен период и ќе ви треба многу сила за да завршите сè што сте планирале.
Љубов: Средината на месецот е идеална за да расчистите некои работи со луѓето кои зборувале лошо за вас, иако не сте им дале повод за тоа. Некои луѓе само бараат причина да ве критикуваат. Вие само сакате да бидете во добри односи со сите, како со колегите така и со познаниците. Но додека не дојде до тоа, ќе мора често да се расправате со другите и да ги браните вашите ставови.
Здравје: Ќе бидете под стрес поради многуте недоразбирања со луѓето околу вас. Обидете се да се изолирате и да се исчистите од негативната енергија што другите ви ја пренесуваат.
Близнаци
Работа: Работата и кариерата ќе ви бидат најважни овој месец и ретко кој ќе може да ве спречи да напредувате. Конкуренцијата е голема, но тоа не ве плаши, напротив, ви дава енергија и мотивација да се борите уште посилно. Сметате дека имате потенцијал да бидете најдобри, па затоа не брзате, туку ја чекате својата шанса. Ако постигнете успех на работа, ќе ви се укаже можност да остварите финансиска заработка.
Љубов: Во љубовта не ви цутат рози и многу добро го знаете тоа. Другите постојано ве распрашуваат и сакаат да знаат зошто е тоа така, а тоа само ви создава дополнителен притисок. Знаете и сами дека имате направено некои грешки во љубовта, но тоа сега не може да се поправи. Мора да размислувате позитивно и да ја чекате вашата шанса која наскоро ќе ви се укаже.
Здравје: Здравјето добро ќе ве служи овој месец, но можни се проблеми со дигестивниот систем. Внимавајте на исхраната и пијте доволно вода.
Рак
Работа: Февруари е месец кога ќе остварите нови деловни контакти и соработка, а само од вас зависи како тие соработки ќе завршат. Доколку не избрзувате со вашите идеи и бидете трпеливи, можна е деловна соработка што ќе ви донесе не само финансиска корист, туку и подобра репутација. Од друга страна, ако не сакате да чекате, и најмалата грешка може скапо да ве чини. Ако ви тргне работата, бидете подготвени на тоа дека веќе нема да имате време за некои слободни активности.
Љубов: Во љубовта ви оди како што треба и тоа ве чуди. Секогаш сте имале некакви несогласувања со саканата личност околу важни работи, но и околу ситници. Секогаш сте имале причина за расправија, но овој месец нештата се поинакви и не сте навикнати на олку мирен период во врската. Наместо да се чудите зошто односот со партнерот е одличен, уживајте во убавите моменти и искористете го овој период за да испланирате некое заедничко патување. Можеби на тоа патување ќе сфатите дека сте подготвени да ја издигнете вашата врска на повисоко ниво и да ја претворите во вистинска сериозна врска, каква што долго време не сте имале.
Здравје: Ќе имате доволно енергија за да ги надминете сите работни и приватни предизвици. Можен е пад на имунитетот кон крајот на месецот.
Лав
Работа: Овој месец едноставно нема да ви биде до работи. Односите со колегите се далеку од одлични и немате енергија секојдневно да се расправате околу неважни работи. Размислувате да напуштите сè, да го промените работното место и средината, но моментално немате доволно храброст за тоа. Едноставно не сакате да преземете толкав ризик и чекате подобри времиња.
Љубов: Ќе изгледате подобро од кога било претходно и за тоа ќе бидете заслужни само вие. Иако не ви е лесно во животот, не сте задоволни и работите не се одвиваат онака како што би сакале, си имате ветено дека никогаш нема да им дозволите на другите да видат дека страдате. Сте сакале дополнително да се образувате, да патувате, да видите нови земји и нови места, но сфаќате дека партнерот цело време ве спречувал во тоа. Мислевте дека има време, но дури сега си признавате дека нема повеќе време.
Здравје: Можни се болки во вратот и грбот. Прекувременото работење ви остава последици, што дури сега ги забележувате. Овие проблеми не се големи, но сепак ви задаваат проблеми во одредени ситуации и би требало да го решите овој здравствен проблем што е можно порано.
Девица
Работа: Веќе долго време ве искористуваат на работа, а вие моравте да молчите и трпите за да не испадне дека се буните и дека не сте задоволни од работното место. Сепак, овој месец вашата толеранција ќе го достигне врвот и ќе бидете на чекор од тоа да ја напуштите работата и да заминете што е можно подалеку. Ништо веќе не ве врзува за овој крај и за местото каде што живеете.
Љубов: Февруари е период за кој сте емоционално врзани. Некогаш ви се случувале најубавите работи во февруари, но овој месец ќе ви се случат некои лоши нешта. Вашите емоции се измешани и иако се обидувате да ги сочувате гордоста и достоинството, длабоко во себе знаете дека немате веќе никого и дека сте препуштени сами на себе. Тоа ве јаде однатре, но не смеете никому, па ни себеси, да си покажете колку се плашите од иднината и од тоа што таа го носи.
Здравје: Со оглед на напорната и прекувремена работа, здравствените проблеми се неизбежни и сами знаевте дека ќе ви биде лошо порано или подоцна. Добар дел од овој месец ќе го поминете на разни анализи и терапии, но ќе ви стане подобро, па затоа мора да издржите.
Вага
Работа: Првата половина од овој месец ќе ви биде психички напорен, кога станува збор за работата и работните обврски. Но наредниот период ќе биде полн со позитивна енергија и нема да ви биде многу напорно, па ќе имате време за одмор и дружење.
Љубов: Пријателите често ви се јавуваат и се прашуваат каде сте, а вам ви е доста од тоа секогаш да им објаснувате дека сте премногу зафатени и дека немате време ни за себе, а камо ли за пријателите. Сепак, кога ситуацијата на работа ќе се смири малку, одвојте некој ден да се видите барем со најблиските пријатели за да дознаете што им се случува во животот.
Здравје: Алергијата е состојба што и овој месец нема да ви даде мир и покрај сите лекови што ги користите. Знаете дека тоа не може целосно да се излечи, но мора да најдете начин да ја држите под контрола, барем извесно време.
Шкорпија
Работа: Ќе успеете да ја реализирате секоја идеја што ќе ви падне на памет. Сите коцки ќе ви се наредат и на професионален и на приватен план, така што овој месец ќе се чувствувате одлично. Сепак, знаете дека тоа нема да трае вечно, па затоа секогаш сте подготвени на непријатни и непредвидливи ситуации.
Љубов: За вас, љубовта е само збор. Не се трудите доволно да разберете колку му е тешко на вашиот партнер на работа. Не сакате да го слушате и си терате по свое, па затоа расправиите се неизбежни. Сепак, не можете да мислите само на себе и на своите емоционални потреби, мора да му дадете малку повеќе поддршка на вашиот партнер.
Здравје: Сега за сега сè е во ред со вашето здравје, но не сте сигурно колку ќе трае тоа. Иако се чувствувате уморно и исцрпено, тоа сè уште не може да се види. Исхраната секогаш може да ви биде подобра, но не е толку лоша. Ако забележите дека губите енергија, внесете малку повеќе здрави производи и сè ќе биде во ред.
Стрелец
Работа: Комуникативни сте и во првата половина на февруари тоа позитивно ќе се одрази и на вашите работни активности и ангажмани. Лесно стапувате во контакт со луѓето и знаете што сакаат да слушнат, па затоа вашата ефикасност на работа ќе биде на повисоко ниво за разлика од претходно. Финансиската ситуација не ви е најсјајна, затоа што и сами знаете дека не ви оди штедењето и сакате да си се почестувате со нова гардероба и уреди. Треба да се контролирате малку, додека состојбата на вашата сметка не стане малку поповолна.
Љубов: Немате идеја како да ја подобрите љубовната врска. Се чувствувате како во кафез, како да сте под постојан надзор, а вам ви треба слобода и нови познанства. Желни сте за авантура и добра забава.
Здравје: Енергијата како и секогаш ви е на високо ниво, но можни се проблеми со забите. Посетете заболекар.
Јарец
Работа: Вашите амбиција и трудољубивост се дел од вашиот карактер, па затоа успехот на работа нема да изостане ни овој месец.
Љубов: На почетокот на месецот ќе имате неконтролирана потреба за нови познанства, но тоа е потешко одошто мислите. Во денешно време не е лесно да му пристапите некому отворено, бидејќи луѓето веднаш помислуваат дека имате лоши намери. Ако не сте во врска, овој месец не е идеален за започнување нешто ново. Немојте да брзате, зашто сигурно не ви треба уште една неуспешна врска со личност која е многу поразлична од вас. Флертот е само флерт, но врската е нешто многу посериозно и бара вложување и посветеност, а вие не сте подготвени за тоа.
Здравје: Здравствената ситуација не е стабилна, но обидете се да ја подобрите.
Водолија
Работа: Овој месец, ѕвездите ви се наклонети и мислите дека сте доволно способни за да ги завршите сите обврски на време. Колегите се воодушевени од вашите идеи. На некои колеги тоа не им се допаѓа многу, бидејќи тие паѓаат во втор план, но вие сметате дека конкуренцијата е здрава и дека секој има право да покаже што знае.
Љубов: Кога станува збор за односите со семејството, тука ситуацијата е малку неповолна. Сите ве обвинуваат за некои работи што се случиле неодамна, а никој не разбира дека ниту вие не сте сакале да се случи тоа, едноставно сте морале д апостапите на таков начин. Потребно е време за да се подобрат односите меѓу вас. Вие само гледајте да давате доволно поддршка и сè ќе биде во ред.
Здравје: Здравствено не сте биле никогаш подобри. Полни сте со енергија. Ќе го промените начинот на исхрана и тоа ќе се забележи. Мора да ги исфрлате лошите навики една по една, ако сакате да се чувствувате уште подобро. Обидете се да внесувате доволно минерали и витамини секој ден. Не се откажувајте кога ќе видите резултати!
Риби
Работа: Ситуацијата на работа овој месец ќе биде мошне пријатна. Односите со колегите се одлични и добро ќе се сложувате. Понекогаш дури и ќе одите на кафе заедно и ќе разговарате за себе и вашиот приватен живот. Обидете се така да остане и во иднина, особено во кризните и непредвидени ситуации. Тогаш ќе видите кој е доволно храбар, а кој не презема ништо и тогаш ќе сфатите на кого може да сметате.
Љубов: Втората недела од февруари е како создадена за нови почетоци во љубовта. Веќе извесно време сте сами, а копнеете по тоа да најдете некого со кого ќе ги споделите сите ваши емоции. Некогаш ви годеше слободата, но како што минува времето и како што ги гледате другите парови среќни, станувате љубоморни на нив. Сепак, нема потреба за љубомора, бидејќи не е сè онака како што изгледа. Не брзајте да започнете врска со личност која не ја познавате доволно. Многу лесно може сè да тргне наопаку. Затоа, овој месец мора добро да размислите и да сфатите што сакате од вашиот партнер.
Здравје: Внимавајте на килограмите. Можно е да се покачи стрелката на вагата, ако не внимавате колку калории внесувате.
извор: vistina.com.mk
