СТАБИЛНОСТ, ЛОЈАЛНОСТ, ТИМСКА РАБОТА - Што значи да се биде дел од тимот на Солета?

Јасминка годинава прослави 30 години работен стаж во Солета, има 48 години, а дел од тимот е од 1988
година

Ја прашавме за нејзиниот прв работен ден:

„Тоа беше во 1988 година, во многу убав дисконт во населба Железара, со одлични услови за работа и работодавчи кои ме дочекаа со насмевка.“

По 30 години поминати во тимот на Солета, Јасминка ни раскажа како е да се биде дел од компанијата:

„Тимот функционира одлично сите овие 30 години. Тоа е благодарение на системот на организација и работа кој е воспоставен уште од првиот работен ден и беспрекорно фукнкционира. Тоа што ме задржа 30 години во Солета е пред се, коректното однесување на работодавачите, навремено исплаќање на личниот доход, почитување на правата на работниците, годишен одмор, работни саати по државни норми, плаќање на прекувремениот и празничен труд.“

За крај, како вработена со најдолг стаж ја прашавме што има да им каже на оние кои сакаат да аплицираат и да станат дел од Солета?

„Ако го почитуваат работното место, ќе им биде возвратено, а доколку работат коректно сигурно ќе бидат соодветно наградени.“

 

Мирјана Ангелески има 40 години и има 15 години работен стаж во малопродажба и 3 години е дел од тимот на Солета

„Со насмевка се сеќавам на првиот работен ден тука. Го паметам по тоа што бев топло пречекана од колегите и целиот менаџерски тим. Да се биде дел од тимот на оваа компанија е предизвик и пат по кој чекорат најдобрите трговци во градот. Причината да се задржам во Солета е гарантираната постојаност на тимска работа, разбирање, личен доход и други позитивни карактеристики. Ги охрабрувам сите кои се гледаат во оваа индустрија слободно да аплицираат за работно место во оваа компанија! Сигурна сум дека успешно и трајно ќе го решат својот проблем за основање работен однос во стабилна и успешна компанија како Солета.“​

Анета Кокановска има 34 години и веќе 5 години е дел од тимот на СОЛЕТА

Иако по струка е Градежен лаборант, обуката која ја добила од своите колеги уште од првиот ден и помогнала беспрекорно да се снајде во месната индустрија.​

Анета Кокановска има 34 години и веќе 5 години е дел од тимот на СОЛЕТА. Иако по струка е Градежен лаборант, обуката која ја добила од своите колеги уште од првиот ден и помогнала беспрекорно да се снајде во месната индустрија.

Ја прашавме како ќе ги објасни нејзините 5 години во СОЛЕТА:

Уште од првиот ден знаев дека го направив вистинскиот избор. Бев многу добро прифатена и добив одлична обука од персоналот кој го затекнав тука во тој момент. Одтогаш наваму функционираме во најдобар ред. Среќна сум што работам во средина во која нема притисок, вистинско задоволство е да се биде дел од тим кој така функционира. Колегијалноста, добра меѓусебна комуникација, пријатна работна атмосфера, навремена редовна исплата се причините кои ме задржаа на оваа работна позиција овие 5 години.

За нејзините потенцијални колеги, кои сакаат да станат дел од СОЛЕТА, Анета вели:

Мојата порака кон оние што би аплицирале за работа во Солета е: „Доколку ви е потребна стабилна работа која ќе ја работите подолг период, во пријатна работна атмосфера, каде што вашиот труд ќе биде вреднуван, повелете во нашиот СОЛЕТА тим, нема да згрешите!“

Елизабета Ангеловска 38 години, економски техничар, 6 години во Солета

Секако дека се сеќавам на првиот работен ден!

Како и секој прв работен ден бев збунета и исплашена како ќе се снајдам на новото работно место, но благодарение на шефицата Гоца се снајдов многу добро и научив се што требаше во врска со работата.

Јас ја сакам оваа работа... Разбирањето и добрата соработка со колешките и претпоставените како и редовноста на плата е она што ме задржа во Солета. Сите кои би се пронашле во оваа професија слободно да повелат и да видат како е да се биде дел од нашиот тим.

Николина Недева 37 години, 2 години во Солета

Ја прашавме за нејзиниот прв работен ден:

Кој го заборава првиот работен ден? Мојот прв ден во Солета го паметам по возбудата што се вработив и по прекрасниот прием на веќе вработените кои им помогнаа да се вклопам во работата. Се додека се тече према очекувањата и правата на вработените е лесно да си дел од една компанија како Солета. Она што ме задржа во тимот пред се добрата организација, редовните примања и коректниот однос кон вработените.

Билјана Манасиева, вработена во сметководство од неодамна  е унапредена од Финансов сметководител во Раководител на сектор сметководство.

Билјана работи од 23.01.2012 година почнувајќи како финансов сметководител. Во овие 7 изминати години се стекна со искуство од постарите и поискусни колеги и навлезе во сите сфери на финансовото работење. Покрај тоа во континуитет има присуствувано на разни екстерни и интерни обуки. По здобивањето на потребното знаење и искуство се отвори можност за нејзино унапредување во Раководител на сметководство.

Билјана има порака до сите оние коишто сакаат да ја продолжат својата  професионална кариера и понатамошно усовршување:

 “Доколку сакате да станете дел од една успешна приказна која трае 22 години, сакате да се стекнете со знаења од повеќе проблематики како и постојана можност за усовршување имајќи потполна поддршка од целиот тим, како од сметководство така и од другите сектори - АПЛИЦИРАЈТЕ за работа во Солета. Морам да напоменам дека  кариерата и посветеноста бара и жртви за коишто треба да бидете спремни да ги поднесете доколку сакате да станете успешни во својата кариера. Се надевам дека многумина ќе се пронајдат во мојата порака и ќе се обидат да станат дел од нашиот тим со што ќе придонесат за уште подобра соработка и напредок”.

Елизабета Стамболиева, вработена во сметководство од 2006  е унапредена од продавач во Благајнички службеник  во сектор сметководство.

Елизабета по образование е Дипломиран инженер технолог и од 2002 година почнува да работи како продавач во малопродажен објект. Во овие 16 години освен во благајничкото работење се стекна и со дополнително искуство од областа на материјалното и  финансово работење и се стекна со лиценца за Сметководител. Елизабета како и останатите вработени во сектор сметководство има присуствувано на разни екстерни и интерни обуки поврзани со тековното работење.

Елизабета има порака до сите оние коишто сакаат да ја продолжат својата  професионална кариера и понатамошно усовршување:

“Солета е компанија којашто нуди големи можности за учење, усовршување и напредување. Квалитетните вработени тука се секогаш препознаени и адекватно поддржани од менаџментот. Тука ќе наидете на пријатна атмосфера, колегијален однос  и многу поволни услови за работа. Затоа, сите што се пронајдовте во мојата приказна  аплицирајте и станете дел од нашето семејство.“

Сакаш да станеш дел од Солета?

аплицирај за позицијата
ПРОДАВАЧ/КА