Парите какви што ги познаваме наскоро од банките и паричниците може да се префрлат во музеите, бидејќи светот се доближува до моментот кога ќе стане безготовинско општетсво. Експертите велат дека ова е процес кој не може да се сопре и прашање на време е кога ќе се случи, односно кога картичките и мобилните апликации ќе станат единственото платежно средство.
Секако тоа ќе се случи многу побрзо отколку што многумина мислат, во некои држави дури и во следните неколку години. Прва држава која би можела да ги исфрли од употреба парите е Шведска, каде што се предвидува дека тоа би можело да се случи веќе во 2023 година.
Насекаде во светот граѓаните сè помалку користат пари, а пандемијата со коронавирусот може дополнително да го забрза процесот на еволуција на парите.
Во Шведска, околу 80% од граѓаните сега користат картички, а 58% од сите плаќања се вршат со картичка, за разлика од само 6% готовинско плаќање.
Многу Швеѓани не носат готовина заради сеприсутноста на елекстронските средства за плаќање во земјата. Дури и децата над 6 години во Шведска плаќаат со картичка.
Експертите ширум светот ја следат Шведска која е позната по своите иновации, за да можат да ги применат истите мерки во своите држави.
Добрата работа е што на овој начин и се задава голем удар на сивата економија и криминалот зашто на овој начин на плаќање не може да се избегне плаќањето на данок. Негативната страна е што власта се стекнува со полна контрола врз граѓаните, а компаниите можат да ги следат нивните потрошувачки навики и истите да ги користат во комерцијални цели.
Исто така, познато е дека луѓето трошат многу повеќе кога плаќаат со картичка или преку мобилна апликација, отколку кога плаѓаат во кеш.
.jpg)
