Сите ќе мора да носат маски, да држат дистанца, нема смеат да плукаат ...
Премиер Лигата на големо се подготвува за продолжување на натпреварите, иако епидемијата во Велика Британија сеуште има сериозни размери. Затоа надлежните направија детален план за работа и правила што сите мора да ги следат доколку сакаат да продолжат со тренинзите.
Во деталниот документ од седум страници јасно се наведени сите строги правила што треба да се следат, вклучително и дека играчите ќе треба да носат заштитни маски и дека целата опрема ќе биде дезинфицирана од персонал во целосна заштитна опрема.
Овие нови, построги правила беа донесени за да се овозможи враќање во фази на помали групи, а потоа и на целиот тим пред Премиер Лигата да продолжи во јуни, како што беше планирано.
Сите играчи прво ќе треба да го поминат антиген Ковид-19 тестот на 48 часа пред да се појават на тренинг. Исто така, ќе бидат тестирани и за потенцијални проблеми со респираторниот систем поврзани со коронавирус, и сите ќе треба да потпишат договор во кој ќе потврдат дека ќе ја следат оваа строга процедура.
Во правилата, меѓу другото стои:
- Сите топки, конуси, корнер знамиња, голови и друга опрема ќе треба да се дезинфицираат пред и после тренингот и ќе бидат дезинфицирани од страна на персонал во целосна заштитна опрема.
- Играчите секогаш мора да носат маски и мрежи за коса
- Автомобилите мора да бидат паркирани на растојание од три места за паркирање
- Масажите се забранети, освен ако не бидат одобрени од клупскиот лекар
- Течностите мора да се чуваат на одредени места
- Посетите на тренинг блокот се дозволени само за користење на тоалетите
- На почетокот ќе бидат дозволени групи од најмногу пет играчи
- На сите играчи им е дозволено да се подготват 15 минути
- Малите групни тренинзи мора да траат до 75 минути
- 15 минутен одмор и закрепнување
- На играчите и на персоналот им е забрането да плукаат
Правилникот го изработил од фудбалскиот директор во Премиер лигата, Ричард Гарлик. Во документот се вели: „Овој протокол мора да биде одобрен од сите акционери и сите клубови“.
