Како причина зошто всушност се деактивираат профилите е наведено дека преголемиот број на статуси,фотографии и објави често доведуваат до замор и стрес.
Ако некогаш сте размислувале за привремена "декоксикација" од социјални мрежи - можеби сега е вистинско време за да ја имплементирате таа идеја.
Изминатава година светот се бореше со Корона вирусот, на почеток се ширеа букавлно секакви информации кои што кога ќе ги прочитавме често знаевме да се чуствуваме вознемирено. Често социјалните медиуми знаат да бидат препплавени со негативни вести, а факт е дека ние најголемиот дел од времето го поминуваме баш на социјалните мрежи. Па колку и да сакаме да ги избегнеме негативните вести, може да се каже дека скоро е и невозможно.
"Што представува детоксикација од социјалните мрежи" ?
Тоа е израз кој станува се популарен во светот, а како таков израз започна да се споменува в 2015 година кога пејачот Ed Sheeran најави дека ќе го деактивира својот Инстаграм профил, за да направи кратка пауза од содржината која што ја гледа таму .
После ваквиот потег, многу од неговите колеги ја направија истата постапка. Деактивирањето на социјалните мрежи е сосема нормална работа, а доколку сакате мирен живот и да не се соочувате секојдневно со негативни вести, тогаш ова представува идеално решение.
Зошто е добро да се деактивираат понекогаш социјалните мрежи
1. Експертите тврдат доколку вашиот мобилен телефон го оставите настрана, односно подалеку од дофат на вашите раце. Вие ќе спиете многу подобро. Имено, вештачката светлина може да пречи во производството на мелатонин ( хормон за спиење). Значи, може да заклучиме дека прелистувањето на социјалните медиуми пред спиење значително може да го наруши квалитетот на вашиот сон.
2. Јасно е дека повеќето од нас социјалните мрежи ги користиме за да одржуваме контакти со нашите пријатели, каде што секојдневно комуницираме допишувајќи се со нив. Но, психологот Jacqueline Nesi тврди дека со ваквиот начин на комуницирање ние градиме една виртуелна дистанца, односно оддалеченост. Па токму поради тоа советува дека подобро е нашите разговори да ги правиме телефонски со нашите блиски.
3. Направена е анализа на истражување кое што е спроведено во 2017 година резултатите покажуваат дека прекувременото користење на социјални мрежи може да доведе чуство на осаменост, депресија, па дури и намалување на самодоверба кај некои личности.
И запомнете дека потребно е да правите пауза од секојдневно постирање на слики, објавување статуси, па дури и пишувањето на пораки може да создаде стрес.
4. Најважно ! Логиката е едноставна- доколку се одлучите да одморите од социјални мрежи, времето кое што го поминувате на социјалните мрежи,гледајќи што се прават другите на пример може да го замените со прошетка во парк или да испиете кафе со вашите пријатели.
Доколку се одморите од социјалните мрежи, за периодот на пауза вие можете даси најдете некое хоби кое што целосно ќе ве исполнува и ќе ве прави среќни. Може да почнете да возите точак, да гледате серии, да читате книги. На таквиот начин вие најдобро може да се запознаете себе си.
