Според прогнозите, до 18 јуни температурите ќе се движат меѓу 27 и 31 степен, по што следува нагло затоплување. Најтопло се очекува да биде на 20 и 21 јуни, кога максималната температура ќе достигне 36, односно 37 степени Целзиусови.
Иако во периодот околу 24 и 25 јуни има можност за краткотрајно освежување и локални врнежи, температурите и понатаму ќе останат високи и ќе се движат над 30 степени.
Долгорочната прогноза покажува дека и крајот на јуни, како и почетокот на јули, ќе бидат во знакот на сончево и топло време. Во последните денови од јуни температурите ќе се движат од 27 до 29 степени, а веќе од 1 јули повторно ќе започнат да растат и ќе достигнуваат меѓу 30 и 32 степени.
Официјалниот почеток на летото е на 21 јуни, а според најавите токму тогаш Македонија ќе влезе во првиот посериозен топлотен бран оваа сезона.