Под мотото „Поголем, позвучен и поразновиден“, годинашното издание носи настапи на пет бендови и десет диџеи. На фестивалската сцена ќе настапат South Park, Ringtones, Dopamine, Marbel и Acoustic Division, кои ќе изведат домашни и светски хитови во свои препознатливи аранжмани.
За добрата атмосфера пред и по концертите ќе се погрижат диџеите Милан Серафимов, Александар Јорданов, „Јанко петел јаваше“, DJ Marko, DJ Vaso, DJ Rizinski, диџеи од Fluere, DJ Guardian, DJ Ficho и Sure Shotz.
Посебна програма е најавена за последната фестивалска вечер, на 8 септември. Тогаш ќе бидат организирани музички трибјути посветени на Владо Јаневски и групата ДНК. Бендот Acoustic Division ќе изведе трибјут-програма во чест на Владо Јаневски, додека Sure Shotz ќе подготват музичка селекција составена од најпознатите хитови на ДНК.
Покрај богатата музичка понуда, фестивалот ќе донесе и дополнителна забава за посетителите. Предвидени се натпревари во брзо јадење, квизови и други интерактивни предизвици, кои ќе ги води Бомбакис, а најуспешните учесници ќе добијат и награди.