Во акцијата учествуваат општините и градоначалниците, амбасади, ученици, спортисти, јавни личности и граѓани, со заедничка цел – почисто, поуредно и поздраво Скопје.
Акцијата се реализира под мотото „Да оставиме пример, не ѓубре“, а организаторите најавуваат дека ова нема да биде еднократна иницијатива.
Планирано е акцијата да продолжи двапати месечно, со цел грижата за јавните површини да стане трајна навика и заедничка одговорност.
Од Град Скопје ги повикуваат граѓаните да се приклучат и со личен пример да придонесат за почист и поуреден град.