Друштвото за градежништво, промет и услуги ГЕИНГ ДОО Скопје е компанија лоцирана во Македонија, која испорачува комплетни решенија од областа на геотехниката, хидротехниката, енергетиката, рударството, патната инфраструктура и заштитата на животната средина. Поради зголемен обем на работа Друштвото за градежништво, промет и услуги ГЕИНГ ДОО Скопје има потреба од вработување на:
Oглас за работна позиција: Дипломиран правник
Минимум потребни квалификации:
- Образование: ВСС Правен факултет
- Со работно искуство и познавање на позитивната национална легислатива (oблигационо, трговско, трудово право)
- Предност ќе имаат кандидатите со искуство во корпоративно право и/или јавни набавки
- Познавање на Англиски јазик
- Познавање и работа со MS Office
- Возачка дозвола - Б категорија
Опис на работни задачи:
- Дава стручни појаснувања и мислења за примена и усогласеност со позитивната легислатива, изготвува анализи, информации;
- Изготвува акти за уредување на односи, состојби и прашања со кои правното лице стапува во правниот промет;
- Изготвува, толкува и анализира Договори за (тендери, вработени, надворешни соработници..);
- По потреба проучува и прави стручна обработка на судските и другите предмети, учествува на рочишта, комуницира со нотари, извршители.
Вашата биографија и мотивационо писмо, со задолжително наведување на работната позиција за кој се пријавувате, телефонски контакт и адреса на електронска пошта, можете да ги доставите:
- Преку полето Брза Апликација
- По пошта на адреса: ул. Борис Трајковски бр. 111 Скопје најдоцна до 31.03.2023 година.
Само кандидатите кои ќе влезат во потесен круг на избор и кои ги исполнуваат бараните услови, ќе бидат повикани на разговор.
