Групацијата LIBERTY Steel Group, како дел од GFG Alliance, е глобална компанија за челик и рударство со над 30.000 вработени на повеќе од 200 локации на четири континенти. Тоа е меѓународен бизнис со интегрирана понуда - од производство на течен челик направен од суровини и рециклирани материјали до челици со голема прецизност и придружни услуги, достапни за клиенти ширум светот.
Либерти Скопје, како дел од Либерти Стил Групацијата, е еден од најголемите производители на челични производи на Балканот и нуди ладновалани, поцинкувани и пластифицирани производи, главно за сегментот на општа индустрија на регионалниот пазар. Ние веруваме дека нашата позиција во челичната и рударската индустрија носи уникатни можности.
За потребите на нашето производство, односно оддел Контрола на квалитет, ги покануваме сите заинтересирани лица да аплицираат за следната позиција:
Контролор на квалитет
Клучни одговорности и задачи:
- Врши визуелна контрола, контрола на површина (горна/долна) и на ивиците на траката/лимот
- Врши метролошка контрола на ширина, дебелина и должина (за лим) и рамност
- Дава оценка за квалитетот на траката/лимот (површина, рамност) од извршена визуелна и метролошка контрола и изготвува извештај за квалитет за секој контролиран котур/лим/пакет
- Подготвува извештај за неусогласен лим/котур
- Интервенира при појава на неквалитет и проблематичен (неусогласен) котур/пакет
- При секое прештелување на линијата врши проверка на димензиите и квалитетот на лимот
- Контролира (визуелни и метролошки) земени проби за испитување
- Селектира и отстранува неквалитет од котур/пакет
- Ги извршува сите административни работи (извештаи, внесувања, известувања, итн) согласно процедурите за работа
Личен профил:
- ССС - Со или без работно искуство
- Можност за работа во смени
- Строго почитување и примена на стандардите за Здравје и Безбедност при работа
Што нудиме:
Динамична работна средина во која се стимулира учење и професионален развој. Конкурентен надомест како и ПРИВАТНО ЗДРАВСТВЕНО ОСИГУРУВАЊЕ.
Доколку барате можност за работа на предизвикувачки проекти, со цел да влијаете на бизнисот на позитивен начин, Ве повикуваме да ја доставите Вашата професионална биографија - CV преку полето Брза апликација.
