Taste Atlas објави листа на 50 најдобро оценети видови пица, а на прво место е маргеритата.
Во 1889 година, кралицата Маргерита од Савоја го посетила Неапол, каде ѝ била послужена пица направена во боите на италијанското знаме: црвени домати, бело моцарела сирење и зелен босилок. Создадена е од готвачот Рафаеле Еспозито од пицеријата Brandi и се смета за „татко“ на пицата.
Ова јадење многу ѝ се допаднало на кралицата, па Рафаеле пицата ја нарекол маргерита. Се разбира, првата маргерита (која дотогаш не го носела ова име) е направена многу порано. Најстарите податоци датираат од 1866 година.
Се разбира, првите десетина места ги окупираат италијанските пици и тоа наполетана, куатро формаџи, ал таљо, капрезе, капричоза (што кај нас погрешно ја велат капричиоза), пицете, диавола, ал паделино, романа, прошуто е фунги, калцоне, фунги и буфалина. Дури потоа следува неиталијанска пица и тоа американската сисилиан, која сепак е по терк на сицилијанската пица.
Во топ 50 доминираат, нормално, италијанските пици, но има и 12 американски, 2 аргентински и 1 канадска.
Извор: kajgana.com
