Мерките за социјално дистанцирање во САД би можеле да останат на сила до 2022 година, стои во студијата на Факултетот за јавно здравје при Универзитетот Харвард.
Студијата беше објавена веднаш по вчерашната информација за рекордни 2.200 смртни случаи во САД за само еден ден. Вкупниот број на жртви во Соединетите Држави се искачи на 28.000 додека американската администрација размислува за заживување на економијата, пренесува Ројтерс.
Преодните мерки за социјално дистанцирање би можеле да бидат неопходни до 2022 година, освен ако не се пронајде начин за зголемување на капацитетот за пружање на основна медицинска помош, третман за Ковид-19 или вакцина, стои во заклучокот на истражувачите од Харвард кои истакнаа дека во таква ситуација, на удар ќе биде економијата, социјалниот живот и образованието.
Студијата предупредува дека дури и во случај на очигледна елиминација на коронавирусот, мерките за надзор би морале да останат на сила бидејќи постои опасност нов бран на смртоносниот вирус да се појави пак во 2024 година.
.jpg)
