Според новите податоци на Народната банка, бројот на продадени станови се намалува, додека градежниците и понатаму ја зголемуваат понудата. Проценетото време потребно за продажба на новите станови се зголемило од 6 години во 2024 година на 7,9 години во 2025 година.
Истовремено, цените во Скопје продолжуваат да растат. Во третиот квартал од 2026 година, цените на становите биле 10,3% повисоки во однос на истиот период лани. Сепак, тоа претставува забавување на растот во споредба со претходните квартали.
Повеќе станови, но помалку купувачи
Податоците укажуваат дека понудата продолжува да расте, иако продажбата не го следи истиот тренд. Според анализата, градежниот сектор продолжува со нови проекти, а банките имаат значајна улога во финансирањето.
Овој јаз меѓу растечката понуда, послабата продажба и високите цени отвора прашање дали македонскиот пазар на недвижности постепено се приближува до заситување.
Дополнително, треба да се има предвид дека индексот на Народната банка за цените на становите во Скопје се базира на огласени, а не реализирани продажни цени, па не претставува директен показател за цените по кои становите навистина се продадени.