Работник во производство - казанџија

Обезбедено приватно здравствено осигурување и напредок во кариерата согласно личните постигнувања, месечни и квартални бонуси за безбедно и одговорно работење, исплата на максимален износ на регрес за годишен одмор, обезбедена стабилна и сигурна работа со почитување на сите законски одредби. Ова се само дел од поволностите кои ги нудиме.

Нашата компанија, Макстил АД Скопје (www.makstil.com) е дел до глобална групација, со долгогодишна традиција и репутација на светскиот пазар во металопреработувачката индустрија. Ова ни овозможува да нудиме најдобри услови за работа на нашите вработени.

Во моментов, во рамки на нашиот тим за Производство, отворено е следново работно место:

Опис на работно место:

• Подготвување на ливен казан согласно работни упаства и процедури;
• Ракува со хидрауличен механизам за затварање и отварање на ливните казани;
• Работи со кислороден вентил со претходна подготовка на цевки за пропалување на изливникот, школката и аргонскиот сет;
• Сече берни во ливен казан;
• Ги чисти агрегатите и постројките во ливна хала;

Работни услови: Работа во три смени.

Потребни квалификации:

• III или IV степен на стручна подготовка;
• Со и без работно искуство;
• Способност и желба за тимска работа;
• Флексибилност, адаптибилност и способност за работа во динамично опкружување;
• Самоиницијативност и посветеност.

Доколку сакате да станете дел од нашиот тим и имате искрена желба за учење на нови работи, испратете ја вашата кратка биографија по електронски пат преку Брзата Апликација, со назнака за работното место за кое аплицирате, најдоцна до 02.06.2023 година.

Макстил АД Скопје обезбедува еднакви можности за вработување на сите кандидати и води посебна грижа за заштитата на лични податоци и за доверливоста на Вашата апликација.

Согласно Законот за заштита на лични податоци вашата апликација и податоците ќе се користат исклучиво за потребите за вработување за работното место Работник во производство - Казанџија и ќе бидат избришани од нашата дата база во рок од 5 дена по склучување на договор за вработување со избраниот кандидат.